Xəbərlər

Azərbaycan Milli Elmlər Akademiyasının (AMEA) prezidenti, akademik Mahmud Kərimov bazar günü vəfat edib.

Bu barədə  AMEA vitse-prezidenti Arif Həşimov bildirib.

Mahmud Kərimovun Türkiyədə klinikaların birində ürəktutmasından dünyasını dəyişdiyi bildirilir.

Kərimovla vida mərasimi və onun dəfni ilə bağlı məsələlər gün ərzində müəyyənləşəcək.

Mahmud Kərimov 18 oktyabr 1948-ci ildə İrəvan şəhərində anadan olmuşdu. Azərbaycan Dövlət Universitetinin Fizika fakültəsini bitirmişdi. Yarımkeçicilər və dielektriklər fizikası ixtisası üzrə doktorluq dissertasiyası müdafiə edib. 2001-ci ildə Azərbaycan Milli Elmlər Akademiyasının həqiqi üzvü seçilib, həmin ildən Azərbaycan Milli Elmlər Akademiyasının prezidenti olub.