Xəbərlər

Tehranda nəşr olunan “ECO Chronicle” jurnalının növbəti nömrəsinin əsas hissəsi İqtisadi Əməkdaşlıq Təşkilatına (İƏT) üzv ölkələrin dövlət başçılarının ötən il Bakıda keçirilmiş XII zirvə toplantısına həsr olunmuşdur.
Prezident İlham Əliyevin sammitdəki çıxışından ayrı-ayrı məqamlara müraciət olunan jurnalda ingilisdilli oxuculara məlumat verilir ki, Azərbaycanın dövlət başçısı iqtisadiyyat, mədəniyyət, tarix, ədəbiyyat, elm və texnologiyalara aid İƏT-in mükafatlarını laureatlara təqdim etmişdir.
Jurnalın bu nömrəsində sammitin yüksək peşəkarlıqla təşkil olunması, Azərbaycanın bu təşkilatda yeri və rolu, ölkəmizin sosial-iqtisadi inkişafının əsas istiqamətləri, zirvə toplantısında qəbul olunmuş Bakı Bəyannaməsinin iqtisadi-hüquqi mahiyyəti və s. məsələlər barədə dolğun məlumat verilmişdir.
Jurnal yazır ki, İqtisadi Əməkdaşlıq Təşkilatı özünün Bakı Bəyannaməsi ilə bir daha Azərbaycan Respublikasının ərazi bütövlüyünü müdafiə etmiş, Ermənistan-Azərbaycan, Dağlıq Qarabağ münaqişəsinin sülh yolu, beynəlxalq hüquq normaları daxilində və ölkəmizin ərazi bütövlüyü çərçivəsində həllinin yeganə düzgün yol olduğunu bütün dünyaya bəyan etmişdir.E