Xəbərlər

 Son illərdə Mədəniyyət və Turizm Nazirliyi üzrə tikinti, təmir-bərpa və yenidənqurmadan sonra istifadəyə verilmiş obyektlərin sayı xeyli artmışdır.
Nazirlikdən bildirmişlər ki, hazırda bu istiqamətdə işlər davam etdirilir. Cari ildə Dənizkənarı Milli Parkda Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyi üçün inşa olunan yeni binanın istifadəyə verilməsi nəzərdə tutulmuşdur. 
Heydər Əliyev Fondunun, Mədəniyyət və Turizm Nazirliyinin və UNESCO-nun birgə layihəsi əsasında inşa olunan yeni bina memarlıq üslubuna və qeyri-adi formasına görə tamamilə fərqlənir. 
Muzey Azərbaycana xarici turistlərin cəlb edilməsində də əhəmiyyətli rol oynayacaqdır. Burada turistlər qanunamüvafiq qaydada üzü köçürülmüş qədim Azərbaycan xalçalarını almaq imkanına malik olacaqlar. 
Avropa və Şərq memarlıq nümunələrinin sintezindən yaranmış yeni muzey ölkəmizin zəngin mədəni irsinin dünyaya çatdırılmasında əvəzsiz rol oynayacaqdır.
Bu il ərzində Azərbaycan Dövlət Musiqili Komediya Teatrının binasının da əsaslı təmirdən sonra istifadəyə verilməsi planlaşdırılır.