Xəbərlər

İranın kooperativlər, əmək və sosial təminat naziri Əbdülrza Şeyxülislamiyə Tehranın keçmiş baş prokuroru Səid Mürtəzəvini Sosial Təminat Təşkilatının rəhbəri təyin etdiyinə görə parlamentdə impiçment elan edilib.bu barədə bazar günü "Mehr" agentliyinə xəbər verib.

Səsvermənin nəticələrinə görə, 192 deputat lehinə, 54 - əleyhinə, 24 deputat isə bitərəf səs verib.

Qeyd edək ki, parlamentin 2010-cu il yanvarın 10-da dərc olunmuş məruzəsində Mürtəzəvinin ünvanına 2009-cu ilin iyununda keçirilən prezident seçkilərində siyasi iğtişaşlarda iştirak etməkdə ittiham olunan 147 məhbusun Kazirak həbsxanasına göndərilməsi, orada onların lazımi saxlanma şəraiti ilə təmin olunmamasına dair ittiham səsləndirilir.