Xəbərlər

Bu il Gənclər və İdman Nazirliyi xüsusi olaraq gənclərin ictimai həyatda fəal iştirakına, vətənpərvərlik tərbiyəsinə yönəlmiş, eyni zamanda, beynəlxalq əməkdaşlığın genişlənməsinə xidmət edən layihələrə üstünlük verəcək.bu barədə şənbə günü gənclər və idman nazirinin müavini İntiqam Babayev jurnalistlərə açıqlamasında bildirib.

O vurğulayıb ki, nazirliyin əsas fəaliyyət istiqaməti "Azərbaycan gəncliyi 2011-2015-ci illərdə" Dövlət Proqramında olan bəndlərin icrası olacaq.

"Düşünürəm ki, bu il kifayət qədər maraqlı layihələr olacaq və gənclər bu layihələrdə iştirak edəcəklər", - Babayev deyib.

Qeyd edək ki, bu gün 2 fevral - Gənclər Günü münasibətilə Gənclər və İdman Nazirliyinin, gənclər təşkilatlarının nümayəndələri ümummilli lider Heydər Əliyevin məzarını və Şəhidlər xiyabanını ziyarət ediblər.