Xəbərlər

ABŞ-ın Ankaradakı səfirliyinin girişində, viza bölməsində güclü partlayış olub. Bu barədə  cümə günü "TRT Haber" telekanalına istinadən məlumat verir.

"Hürriyyət" qəzetinin məlumatına görə, hadisə nəticəsində ölənlərin sayı 3 nəfərə çatıb.

İlkin versiyaya görə, partlayış terrorçu-intiharçı tərəfindən törədilib. Xeyli sayda xəsarət alanın olduğu bildirilir.

Əvvəlcə məlumat verilmişdi ki, partlayış binanın qarşısında baş verib.

Türkiyə polisi partlayışın "əl-Qaidə" təşkilatından olan terrorçu-intiharçı tərəfindən törədildiyini istisna etmir. Belə ki, bu yaxınlarda İstanbulda təşkilatın sabiq lideri Üsamə ben Ladenin kürəkəni saxlanılmışdı.