Xəbərlər

 Kürdəmir və Zərdab rayonlarında balıqçılıqla məşğul olan özəl təsərrüfatların sayı getdikcə artır.
 hazırda Kürdəmirdə 11 özəl balıqçılıq təsərrüfatı vardır. Bu təsərrüfatlar əsasən rayonun Kürqırağı ərazilərində, o cümlədən Mollakənddə, Qocalı, Carrı və digər kəndlərdədir. Həmin təsərrüfatlarda əsasən axçalı və karp cinsindən olan balıqlar yetişdirilir.
Özəl balıqçılıq təsərrüfatlarında ildə 300 tondan çox balıq götürülür ki, bu məhsul da nəinki Kürdəmirin, ətraf rayonların, habelə Bakının və digər iri şəhərlərin bazarlarına çıxarılır.
Zərdab rayonunun Pərvanlı və Lələağacı kəndlərində də balıqçılıq təsərrüfatlarının yaradılmasına başlanılmışdır. Hazırda ayrı-ayrı sahibkarlar tərəfindən sahəsi təxminən 1,5 - 1,8 hektar olan süni göllər yaradılır.
Gələn ilin ortalarında istifadəyə verilməsi nəzərdə tutulan süni göllərdə əsasən çəki balığı yetişdiriləcəkdir.