Xəbərlər

Özbəkistanın Səmərqənd şəhərində Azərbaycan alimlərinin də müəllifi olduğu "Qafqazda və Mərkəzi Asiyada ictimai-mədəni islahatçılığın tarixi (XIX - XX əsrin əvvəli)" (rus dilində) adlı kitab nəşr olunub.

AMEA-nın Tarix İnstitutundan verilən xəbərə görə, kitab Azərbaycan, Özbəkistan, Qazaxıstan və Dağıstan alimlərinin birgə araşdırmasıdır.

YUNESKO-nun Beynəlxalq Asiya Araşdırmalar İnstitutunun təşəbbüsü ilə nəşr olunan kitabın yazılmasında AMEA Tarix və Şərqşünaslıq institutlarının və Milli Azərbaycan Tarix Muzeyinin əməkdaşları akademik Nailə Vəlixanlı, professor Şahin Mustafayev, professor İradə Bağırova və tarix üzrə fəlsəfə doktoru Şamil Rəhmanzadə iştirak ediblər.