Xəbərlər

Avropa Birliyinin TEMPUS Proqramı çərşivəsində Azərbaycanda "Kompüter Bilikləri Sahəsində Milli Test Mərkəzləri" yaradılacaq.

Qafqaz Universitetindən bazar ertəsi  verilen məlumata görə, bu layihədə 5 Avropa universiteti və 11 yerli universitetin nümayəndəsi iştirak edir.

Qafqaz Universitetinin də iştirak etdiyi layihə çərçivəsində bu test mərkəzlərinin Azərbaycanda qurulması üçün yerli mütəxəssislərin müəyyən müddətlərdə Latviya, Litva, İspaniya, İsveç və Polşa universitetlərinə ezam olunmaları, oradakı təcrübəni yaxından öyrənərək Azərbaycanda tətbiq etmələri nəzərdə tutulub. Üçillik layihə 2015-ci ilin oktyabr ayında başa çatacaq. Layihənin yekununda Azərbaycanın müxtəlif universitetlərində sertifikatlaşdırılmış test mərkəzləri fəaliyyətə başlayacaq.

Qafqaz Universiteti 2008-ci ildən Avropa İttifaqının bir çox layihələrində də iştirak edir.