Xəbərlər

Şəmkirdən Gədəbəyə gedən ikinci avtomobil yolunun yenidən qurulmasına başlanılmışdır. 
El arasında “kraz yolu” adlandırılan bu yol uzun illər təmir edilmədiyindən demək olar ki, istismara yararsız vəziyyətə düşmüşdü.
uzunluğu on kilometr olan yolun ətrafındakı yöndəmsiz tikililər sökülərək bir qədər genişləndirilir. Artıq yolun yarıdan çoxunda asfalt işləri başa çatdırılmış, yol üstündə olan bir körpünün təmirinə başlanılmışdır. 
Dairəvi yolun yenidən qurulması Şəmkirlə yanaşı, Gədəbəy rayonunun sakinləri üçün xeyli əlverişli olacaqdır. Magistral yol istismara verildikdən sonra Şəmkirdən Gədəbəyin dağ kəndlərinə olan məsafə də xeyli qısalacaqdır.
Gəncədəki 2 nömrəli Körpü Tikinti İdarəsi tərəfindən salınan yolun ilin sonunadək istifadəyə verilməsi nəzərdə tutulmuşdur.