Xəbərlər

Nəqliyyat Nazirliyinin və nazirliyin tabeli qurumlarının 2012-ci ildə fəaliyyətinə dair hesabata əsasən görülən tədbirlər nəticəsində yol təsərrüfatı üzrə 603 yeni iş yeri açılıb.hesabatda göstərilir ki, 2012-ci il ərzində respublikanın avtomobil yollarında tikinti əsaslı təmir və yenidənqurma işləri davam etdirilib. Bu dövrdə 537,2 km, o cümlədən 134,6 km respublika əhəmiyyətli, 402,6 km yerli əhəmiyyətli yol təmir olunub, avtomobil yollarında 25 ədəd körpü tikilib.

Hesabat dövründə Bakı şəhərində 94 km avtomobil yolları, prospekt və küçə təmir olunub və 6 yeraltı piyada keçidi istismara verilib.

Bakı şəhərində nəqliyyatın hərəkətinin tənzimlənməsində mühüm əhəmiyyət kəsb edən Neftçilər prospektinin və Sabunçu körpüsündən Zabrat dairəsinədək yolun yenidən qurulması işləri başa çatdırılıb.

Nazirlər Kabinetinin 2009-cu il 7 iyul tarixli, 104 nömrəli Qərarı ilə təsdiq edilmiş "Azərbaycan Respublikasının ümumi istifadədə olan avtomobil yolları ilə iriqabaritli və ağırçəkili avtonəqliyyat vasitələrinin hərəkət etməsinə görə ödənişlərin dərəcələri"nin müəyyən edilməsi, habelə Azərbaycan Respublikasının ümumi istifadədə olan avtomobil yolları ilə hərəkət edən avtonəqliyyat vasitələrinin icazə verilən qabarit və çəki parametrləri"nin təkmilləşdirilməsi məqsədilə təkliflər hazırlanıb.