Xəbərlər

Azərbaycan Dövlət İqtisad Universiteti (ADİU) İstanbul Aydın Universiteti tərəfindən əlaqələndirilən EURAS universitetlər birliyinin üzvüdür. EURAS üzv universitetlərin tələbələri arasında innovativ yarış xarakterli “Sizin pulsuz ideyalarınız” (Your free İdeas Projected) layihəsinə başlamışdır.

ADİU-dan bildirmişlər ki, layihə “Mədəni müasirləşməyə dair təkliflər”, “Öz ölkəniz haqqında qısa videofilm”, “İnsan və ya heyvan hüquqlarının qorunmasının inkişafı” və digər mövzuları əhatə edəcəkdir. İşlər fevralın 20-dək təqdim olunmalıdır.

Qaliblərə sertifikatlar veriləcəkdir. İlk onluqda olan tələbələr İstanbul Aydın Universitetində 1 həftəlik yay məktəbinə dəvət olunacaqlar.