Xəbərlər

Yanvarın 18-də Qusar Dövlət Ləzgi Dram Teatrı tamaşaçılara Rafiq Səməndərin “Şəhidlər” əsəri əsasında hazırlanmış tamaşanı təqdim etmişdir. 

20 Yanvar şəhidlərinin xatirəsinə həsr edilmiş və rayon mədəniyyət evinin səhnəsində təqdim olunmuş tamaşada həmin gecə baş verən faciə öz əksini tapmışdır. 

Səhnə əsəri tamaşaçılar tərəfindən ürək ağrısı ilə izlənilmişdir.

Teatrın direktoru Faiq Qardaşov  bildirmişdir ki, tamaşada sovet ordusu əsgərlərinin erməni quldurları ilə birlikdə Bakı şəhərinin dinc sakinlərinə qarşı törətdikləri vəhşiliklər təsvir olunmuşdur. Teatrın kollektivi tamaşanın səhnələşdirilməsinə bir aydan çox vaxt sərf etmiş, aktyorlar faciə qurbanlarının keçirdiyi hissləri tamaşaçılara çatdırmaq üçün tam məsuliyyətləri ilə çalışmışlar. 

Əsər növbəti günlərdə də müxtəlif səhnələrdə tamaşaçılara təqdim olunacaqdır.