Xəbərlər

Teatr Xadimləri İttifaqının təşkilatçılığı ilə görkəmli teatr və kino aktyoru, təkrarsız bədii qiraət ustası, səhnə danışığı müəllimi, rejissor, Əməkdar Artist Müxlis Cənizadənin anadan olmasının 85-ci ildönümü münasibətilə bədii qiraət müsabiqəsi keçiriləcəkdir.

İttifaqdan  bildirmişlər ki, məqsəd gənclər arasında bədii qiraət sənətinə marağı artırmaq və bu sahədə özünü təsdiqləyə biləcək istedadları üzə çıxarmaqdır.

Azərbaycan Dövlət Teatr Texnikumunu və Dövlət Teatr İnstitutunu bitirən Müxlis Cənizadə 1953-1963-cü illərdə Azərbaycan Dövlət Akademik Milli Dram Teatrında çalışmışdır. O, 1961-ci ildən ömrünün sonunadək Dövlət Teatr İnstitutunda dərs demişdir. Azərbaycan radiosunun “Qızıl fond”unda və Dövlət Səsyazma Fondunda M.Cənizadənin ifasında bədii qiraət nümunələri saxlanılır. 1972-ci ildə ağır xəstəlikdən vəfat etmiş Müxlis Cənizadə 

SSRİ kinematoqrafçılarının istehsalı olan “Sonuncu qum təpəsi” və “Namus uğrunda” filmlərində çəkilmişdir.