Xəbərlər

Gəncə şəhərində tayı-bərabəri olmayan filarmoniya inşa olunur. Hazırda filarmoniyanın tikintisi sürətlə davam etdirilir.

Gəncə şəhərinin baş memarı Əli Rüstəmli  açıqlamasında bildirdi ki, yeni inşa olunan filarmoniya 3000 nəfər tamaşaçı tutumlu olacaq. Baş memarın sözlərinə görə, yeddi mərtəbədən ibarət olacaq filarmoniya binasının 4 zalı olacaq. Müasir və böyüklüyü ilə seçiləcək filarmoniyanın ikimərtəbəli avtomobil dayanacağı, lüks lifti olacaq. Bundan başqa binanın fasadında tanınmış şəxslərin heykəlləri yerləşdiriləcək.

Ə.Rüstəmli qeyd etdi ki, inşa olunan mədəniyyət ocağı Bakıdakı Müslüm Maqomayev adına Dövlət Filarmoniyasından ölçüsünə və üslubuna görə seçiləcək. Hazırda 3 mərtəbəsi tikilən binanın gələn il istifadəyə veriməsi nəzərdə tutulub.