Xəbərlər

Martın 6-dan 10-dək Almaniyanın paytaxtı Belində “İTB” Beynəlxalq turizm sərgisi açılacaqdır.

Mədəniyyət və Turizm Nazirliyinin turizm şöbəsində bildirmişlər ki, beynəlxalq sərgidə Azərbaycanın turizm potensialı icarəyə götürülmüş 104 kvadratmetrlik pavilyonda nümayiş etdiriləcəkdir.

Sərgidə ölkəmizin görməli yerləri, mədəni-tarixi abidələri, mehmanxana və turizm obyektləri Azərbaycan, alman və ingilis dillərində hazırlanmış müxtəlif adda kitabça, buklet və CD-lər vasitəsilə təbliğ olunacaqdır.

Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.