Xəbərlər

 Mədəniyyət və Turizm Nazirliyinin “Salnamə” kinostudiyası ilə İspaniyanın Valensiya şəhərində fəaliyyət göstərən kinostudiyanın birgə əməkdaşlığı çərçivəsində ekranlaşdırılmış “15 İspaniyalı Bakıda” sənədli filmi təhvil verilmişdir. 

“Salnamə” kinostudiyasından  bildirmişlər ki, bu ekran əsərinin rejissoru Peress Rodviqesdir.

Film İkinci Dünya müharibəsi ərəfəsində Gəncədə fəaliyyət göstərən hərbi hava məktəbində təhsil alan 15 ispaniyalı pilota həsr olunmuşdur. Sənədli ekran əsərində İspaniya-Azərbaycan tarixi dostluğu, İkinci Dünya müharibəsi zamanı Bakının səmasının qorunmasında ispan pilotlarının nümayiş etdirdikləri qəhrəmanlıqdan bəhs olunur. 

“15 İspaniyalı Bakıda” sənədli filmi geniş ictimaiyyətə 2013-cü ildə təqdim ediləcəkdir.