Xəbərlər

 Azərbaycan Respublikası sənaye və energetika naziri Natiq Əliyev Birləşmiş Ərəb Əmirliklərinin paytaxtı Abu Dabidə keçiriləcək bir sıra beynəlxalq toplantılarda iştirak edəcəkdir.

Azərbaycan Respublikası Sənaye və Energetika Nazirliyinin mətbuat xidmətindən AzərTAc-a bildirmişlər ki, nazir Abu Dabi şəhərində keçiriləcək Dünya Gələcək Enerji Sammitinin açılış mərasimində, 1-ci Beynəlxalq Su Sammiti, Abu Dabi Beynəlxalq Bərpa Olunan Enerji Sammiti və 5-ci Zayed Gələcək Enerji Mükafat Mərasimində iştirak etmək üçün yanvarın 12-dən 16-dək Birləşmiş Ərəb Əmirliklərində səfərdə olacaqdır. Bu mötəbər toplantılarda dünyanın bir sıra ölkələrinin hökumət rəsmiləri və ictimai xadimələri iştirak edəcəklər.