Xəbərlər

 ABŞ-da ilin ən yaxşı aktyor və filmlərinin, habelə animasiya filmləri və ssenari müəlliflərinin seçimləri davam etdirilir.

“Oskar” mükafatına nominantların adı açıqlanandan sonra ABŞ və Kanadanın Tənqidçilər Assosiasiyası (Broadcast Film Critics Assosiation) da mükafatlarını təqdim etmişdir.

Santa-Monika şəhərindəki Barker Hangar konsert zalında "Oskara yol" adlanan mükafatın təqdimat mərasimi keçirilmişdir.

On səkkizinci “Critics' Choice Awards” mərasimində lider Ben Afflekin “Arqo” filmi olmuşdur. Bu ekran əsəri “Ən yaxşı filmi” və “Ən yaxşı rejissor işi” nominasiyalarında qalib gəlmişdir.

İyirmi bir yaşlı Cennifer Lourens “Ən yaxşı döyüş filmi aktrisası” ("Ac oyunlar") və “Ən yaxşı komediya aktrisası” ("Mənim oğlanım dəlidir") nominasiyalarının qalibi olmuşdur.

Enn Heteuey “Səfillər” filmindəki roluna görə “İkinci planda ən yaxşı aktrisa” nominasiyasında rəqibləri üstələmişdir.