Xəbərlər

 ABŞ-ın Səhiyyə və Sosial Xidmətlər Nazirliyinin verdiyi məlumata görə, qrip epidemiyası son bir ayda ölkənin demək olar ki, bütün ştatlarını bürümüşdür. Rəsmi məlumata görə, ötən illə müqayisədə bu xəstəliyə tutulanların sayı bu il daha çoxdur. İndiyə qədər mövsümi qriplə bağlı 2257 nəfərin xəstəxanaya müraciət etdiyi bildirilir. Xəstələrin daha çox qeydə alındığı Massaçusets ştatında tibbi fövqəladə vəziyyət elan edilmişdir. 

Kaliforniya, Nevada, Montana və Meyn ştatlarında isə xəstəlik halları daha az qeydə alınmışdır. 

Hər il ABŞ-da 50 minə yaxın müxtəlif yaş təbəqəsindən olan əhali bu virusun qurbanı olur. Builki mövsüm üçün hələlik rəsmi statistik məlumat verilməsə də, artıq 18 uşağın öldüyü bildirilmişdir. 

Adətən, ABŞ-da qrip epidemiyası noyabrda başlayır və martın ilk həftələrində başa çatır.