Xəbərlər

Almaniyanın Haydelberq şəhərində 25-ci beynəlxalq fortepiano musiqisi həftəsi çərçivəsində azərbaycanlı pianoçu, hazırda Almaniyada yaşayan, Köln və Essen konservatoriyalarının müəllimi Elnarə İsmayılovanın solo konserti olmuşdur. 

Həmvətənimiz Azərbaycan, alman, fransız və ispan bəstəkarlarının əsərlərini ifa etmişdir. Sənətçi bizim musiqi barədə söhbət açmış, Qara Qarayev, Fikrət Əmirov, Cövdət Hacıyev və Adil Bəbirovun əsərlərini təqdim etmişdir. 

Konsert böyük uğurla keçmişdir. 

Almaniyanın bir sıra kütləvi informasiya vasitələri azərbaycanlı pianoçunun benefisi haqqında materiallar dərc etmişlər.