Xəbərlər

Ötən əsrin altmışıncı illərində Astara rayonunda nəşr olunan “Sövet Astarası” qəzeti nəzdində yaradılmış “Çeşmələr” ədəbi birliyinin rayonda ədəbi qüvvələrin yetişdirilməsində və ədəbi mühitin formalaşmasında mühüm rolu olmuşdur.

 Otuz illik fasilədən sonra Astara Rayon Mərkəzi Kitabxanasında keçirilən təsis yığıncağında “Çeşmələr”in fəaliyyəti yenidən bərpa edilmişdir.

Toplantıda çıxış edən Azərbaycan Yazıçılar Birliyinin üzvləri Aqil Yaqub, Mehman Qaraxanoğlu, Faiq Həsənov, İlham İlhami və başqaları “Çeşmələr” ədəbi birliyi üzvlərinin rayonun ictimai-siyasi və mədəni həyatında fəal iştirak etdiklərini diqqətə çatdırmışlar.

Təsis yığıncağında şair Şahverən Cavad “Çeşmələr” ədəbi birliyinin sədri, Faiq Həsənov sədr müavini seçilmişlər.