Xəbərlər

 Qax şəhərində təməli 2011-ci ilin noyabrında Prezident İlham Əliyevin iştirakı ilə qoyulan Heydər Əliyev Mərkəzinin tikintisi iş cədvəlinə uyğun davam etdirilir.

 Mərkəzin əsas binasında hörgü işləri artıq başa çatdırılmış, dam örtüyü quraşdırılmışdır. Binanın fasadı yerli memarlıq üslubunda kəsmə çay daşı və kərpiclə üzlənmişdir. Yaxın günlərdə binadaxili bəzək işlərinə və ərazinin abadlaşdırılmasına başlanılacaqdır.

Mərkəzin əsas binasının ümumi sahəsi 2 min kvadratmetrdir. Binada müxtəlif tədbirlərin keçirilməsi üçün 720 və 100 kvadratmetr sahəsi olan iki konfrans zalı, dərnək və məşq otaqları, iki geniş holl, inzibati və yardımçı otaqlar yerləşəcəkdir. Ekspozisiya zalında ulu öndərin həyat və fəaliyyətini əks etdirən fotoguşə yaradılacaqdır. Müasir texniki avadanlıqla təchiz ediləcək 8 sinif otağında dinləyicilərə ulu öndərin zəngin irsi, həmçinin Azərbaycan ədəbiyyatı və tarixi tədris olunacaqdır.