Xəbərlər

Hazırda Gəncədə sağlamlıq imkanları məhdud insanların sayı 18 mindən çoxdur. Onların 9 mini qadın, qalanı isə kişilər və uşaqlardır. bunu Gəncə Şəhər Əhalinin Sosial Müdafiəsi Mərkəzindən bildiriblər. Mərkəzin müdir müavini Vəfadar İsmayılov bildirib ki, əlillərin sosial problemləri daima diqqət mərkəzindədir. Növbəlilik əsasında bir qrup əlilə birdəfəlik maddi yardımlar göstərilir. Əlillərin reabilitasiyası məqsədi ilə müxtəlif istirahət mərkəzləri və sanatoriyalara növbəlilik
əsasında göndərişlər verilir. Hazırda mərkəzdə qeydiyyatda 456 nəfər əlil və kimsəsiz insanlar var ki, onlara evlərində müxtəlif sosial xidmətlər göstərilir. Vəfadar İsmayılovun sözlərinə görə, sosial xidmət və maddi yardımlarla yanaşı, əlillərin mənzil ehtiyaclarının ödənilməsi istiqamətində də mühüm işlər görülür.

Vəfadar İsmayılov: “Son 2 ildə Gəncə şəhərində əlillərlə bağlı 81 mənzilli doqquzmərtəbəli bina və 2 ədəd 36 mənzilli 4 mərtəbəli bina, yəni 72 mənzilli binalar inşa edilərək əlillərin istifadəsinə verilib”.