Xəbərlər

Türkiyədə Ukrayna üzərindən gələn soyuq hava dalğasının yaratdığı əlverişsiz hava şəraiti ciddi problemlərə və qəzalara səbəb olmuşdur. 
Çovğun və yolların buz bağlaması nəticəsində Türkiyənin müxtəlif vilayətlərində baş vermiş nəqliyyat qəzalarında 1 nəfər ölmüş, 76 nəfər yaralanmışdır. Valiliklərin qərarı ilə 22 vilayətdə orta məktəb və universitetlərdə dərslər dayandırılmışdır. Təkcə İstanbul kimi meqapolisdə yolların təmizlənməsi üçün 16 milyon türk lirəsi vəsait ayrılmışdır. Atatürk və Sabiha Gökçen hava limanlarında isə 87 beynəlxalq və daxili uçuş təxirə salınmışdır. Ən soyuq bölgə olan Şərqi Anadoluda Ərzurumu Qars, Ağrı və digər vilayətlərlə birləşdirən yollar bağlanmışdır. 
Sinoptiklər Türkiyədəki anomal soyuqların və güclü qarın çərşənbə gününədək davam edəcəyini bildirirlər.