Xəbərlər

Bu ilin mayında İsveçin Malmö şəhərində keçiriləcək “Eurovision-2013” mahnı müsabiqəsində Azərbaycan təmsilçisinin müəyyənləşdirilməsi məqsədi ilə milli seçim turu davam etdirilir.
Yanvarın 7-dən başlayaraq həftə ərzində İctimai Televiziyanın canlı efirində “Eurovision-2013”-də Azərbaycan adından çıxış etmək arzusunda olan daha 9 iştirakçı özünü seçimlərdə sınayacaqdır. Bu, milli seçimlərin üçüncü həftəsidir və bu mərhələ 8 həftə davam edəcəkdir. 
Hər il olduğu kimi, bu il də prosedurlar eyni qaydada həyata keçirilir. Hərfə içi hər gün axşam müəyyən olunmuş həftələrdə çıxış edəcək namizədlər öz performanslarını nümayiş etdirəcəklər. Cümə günü isə beş günün qalibi müəyyənləşdiriləcəkdir.
“Eurovision-2013”-ün milli seçim turunun bu gündən başlayan üçüncü həftəsinin 9 iştirakçısının adı məlumdur. Bunlar “Avantage” qrupu, Fərəh Hadıyeva, Məhrəm Qurbanzadə, Zəka Zeynalov, Adil Baxışlı, Ülviyyə Baxışova, Oksana Rzayeva, Elton İbrahimov və Vüqar Əliyevdir.
İştirakçılar bazar ertəsi “Eurovision” hitlərinə, çərşənbə axşamı Azərbaycan estradasına, çərşənbə dünya hitlərinə, cümə axşamı səhnə şousuna müraciət edəcəklər. Cümə günü sərbəst gündür. İştirakçı ilk dörd gün ifa etdiyi mahnılardan birini həmin gün yenə oxuya bilər. 
Həftənin qalibi həm münsiflər heyəti, həm də tamaşaçı səsverməsi ilə müəyyənləşdiriləcəkdir