Xəbərlər

Yanvarın 17-də bu ilin mayında İsveçdə keçiriləcək 58-ci “Eurovision” mahnı müsabiqəsi ilə bağlı ilk püşkatma mərasimi keçiriləcəkdir. 
Ötən il olduğu kimi, bu il də iştirakçı ölkələrin iki yarımfinaldan hansında çıxış edəcəkləri qarşıdakı püşkatma zamanı məlum olacaqdır.
Bu püşkatma mərasimində, həmçinin birbaşa finalda iştirak etmək hüququna malik 5 ölkədən (İtaliya, Fransa, Böyük Britaniya, Almaniya, İspaniya) hansının I və II yarımfinalı yayımlayacağı müəyyənləşdiriləcəkdir. 
Püşkatma mərasimi müsabiqənin keçiriləcəyi Malmö şəhərində təşkil ediləcəkdir. 
Həmin gün müsabiqənin simvolik ev sahibliyi açarı ötən il bu müsabiqəyə ev sahibliyi etmiş Azərbaycan tərəfindən İsveçə təqdim olunacaqdır.