Xəbərlər

Son illər Azərbaycanın turizm potensialını, mədəni irsini dünyada tanıtmaq, beynəlxalq ictimaiyyətə çatdırmaq istiqamətində böyük işlər görülmüşdür. Bununla bağlı Mədəniyyət və Turizm Nazirliyi tərəfindən hazırlanmış xüsusi proqram əsasında müxtəlif dövlət qurumları, nüfuzlu kütləvi informasiya vasitələri ilə əməkdaşlıq əlaqələri qurulmuşdur. 
Nazirlikdən bildirmişlər ki, Azərbaycanda keçirilən bütün festivallar haqqında mütəmadi olaraq həm CNN, “Euro news”, həm də ərəb ölkələrinin, eləcə də Rusiya və Türkiyənin telekanallarında məlumatlar verilir. Bu məlumatlar sadəcə xəbər kimi səsləndirilmir, həm də proseslər, mədəni layihələr təhlil olunur. Bunun bariz nümunəsidir ki, bu gün bizi dünyada qabaqcıl ölkə kimi tanıyırlar.