Xəbərlər

Murmansk vilayətinin Kandalakşa şəhərinin İdman sarayında “Qar qız” mükafatı uğrunda bədii gimnastika üzrə ənənəvi Yeni il turniri keçirilmişdir.
Murmanskdakı Azərbaycan diasporunun nümayəndəsi Əlihüseyn Şükürov AzərTAc-a bildirmişdir ki, turnirdə Sankt-Peterburq, Kondoloqa, Murmansk, Kirovsk, Hacıyevo, Monçeqorsk və Kandalakşa şəhərlərindən 78 idmançı iştirak etmişdir.
Murmanskdakı Uşaq və yeniyetmələr üçün idman məktəbinin məşqçisi İrina Alekseyanın gənc yetirmələri gözəl nəticələr nümayiş etdirmişlər. Onun turnirdə qalib gəlmiş yetirmələri arasında həmvətənimiz Samirə Mikayılova da vardır.