Xəbərlər

Sabah Birləşmiş Ərəb Əmirliklərinin Əl-Əyan şəhərində şəhərlərarası şahmat üzrə Dünya Çempionatı start götürür.

Çempionatda Azərbaycanı Bakı şəhəri təmsil edir. Azərbaycanın paytaxt komandasına Eltac Səfərli (2626), Qadir Hüseynov (2628), Rauf Məmmədov (2647), Nicat Məmmədov (2602) və Vasif Durarbəyli (2587) daxildir. Bakı reytinqinə görə turnirin dördüncü şəhərindədir (2626). Turnirin reytinq favoriti Parisdir (2677).

ERtv.Az xəbər verir ki, Bakı komandası birinci dərəcəyə düşüb. Bura ancaq ən yüksək orta reytinqli beş komanda və ev sahibi - Paris (Fransa, orta komanda reytinqi 2677 xal təşkil edir), Hoqeven (Niderland, 2666), Lvov (Ukrayna, 2659), Bakı (Azərbaycan, 2626), Saratov (Rusiya, 2626) və Əl-Əyan (BƏƏ, 2371).

Dekabrın 21-dən dekabrın 29-dək (oyun günləri – 22-28 dekabr tarixləri) davam edəcək çempionatda 24 komanda iştirak edəcək. Bu gün kapitanların görüşü və açılış mərasimi baş tutacaq.

Oyunlar sabah başlayacaq. Reqlamentə görə, komandalar hər birində dörd komanda olmaqla 6 qrupa bölünəcəklər. Komandalar qruplarda üç oyun keçirəcəklər. Hər qrupdan birinci və ikinci yerləri tutan iki və üçüncü yeri tutan dörd komanda 1/8 finala vəsiqə qazanacaq. Daha sonra oyunlar nokaut sistemi üzrə keçiriləcək.