Xəbərlər

Əfqanıstanın şərqində mərminin partlaması nəticəsində 10 uşaq ölüb, daha iki nəfər isə yaralanıb.

ERtv.Az RBK-ya istinadən xəbər verir ki, insident Nanqahar əyalətinin Davlatzay kəndi yaxınlığında baş verib.

“Associated Press” yazır ki, faciə çırpı yığan qızlardan birinin balta ilə partlamamış mərminin üzərinə vurması nəticəsində baş verib.

Bütün ölənlər və zərərçəkənlər 9-11 yaşlarında olan qızlardır. Həkimlər yaralıların vəziyyətini ağır qiymətləndirir. Faciənin təfərrüatı araşdırılır.

Yerli məmurların məlumatına görə, hər ay Əfqanıstanda bir qayda olaraq 40 nəfər mərmi partlaması nəticəsində həlak olur. Əksər hallarda mina və döyüş sursatlarına uşaqlar düşürlər.