Xəbərlər

“İrəli” İctimai Birliyi ABŞ-ın Azərbaycandakı səfirliyinə başsağlığı verib.

ERtv.Az xəbər verir ki, başsağlığı 14 dekabr tarixində ABŞ-ın Konnektikut ştatında baş verən və əksəriyyəti azyaşlı uşaqlar olmaqla 27 nəfərin ölümünə səbəb olan faciəvi terror hadisəsi ilə əlaqədardır.

“İrəli” İctimai Birliyinin fəalları tərəfindən səfirliyin nümayəndəsinə təqdim olunan məktubda bu çətin gündə həlak olanların qohumlarına, yaxınlarına, bütün ABŞ xalqına təşkilat adından başsağlığı, yaralıların isə tezliklə şəfa tapması diləyi öz əksini tapıb.

Məktubda həmçinin qeyd olunub ki, “İrəli” İctimai Birliyi öz ətrafında minlərlə gənci birləşdirməklə, bu gün Azərbaycanda ən böyük gənclər təşkilatlarından biridir:

“Azərbaycan gəncləri olaraq terroru qınayır və müxtəlif vasitələrlə dünya ictimaiyyətinə bu terror aktlarının çatdırılması, ədalətin bərqərar olunması uğrunda əlindən gələni edəcəyik”.