Xəbərlər

Ötən həftə baş nazir Rəcəb Tayyib Ərdoğanın “Muhteşem Yüzyıl” serialı üçün “Biz belə bir Qanuni, belə bir Sultan Süleyman tanımamışıq. Serialın rejissorlarını qınayıram. Bununla bağlı qərar verilməlidir” sözləri böyük əks-səda doğurdu.

ERtv.Az-ın Türkiyənin “Hürriyet” qəzetinə istinadən verdiyi xəbərə görə, baş nazirin serial haqqında dediklərinin ölkədə geniş şəkildə müzakirə olunduğu bir vaxtda TRT telekanalı “Bir zamanlar Osmanlı” teleserialını yayımdan qaldırıb.

Əsas rollarını Türkan Şorayın və Özcan Dənizin oynadığı filmin kanalda yayımlanmasına xitam verilməsi kimi serialın büdcəsinin çox, reytinqin isə az olması səbəb göstərilib.

“Büdcə iki qat məbləğə başa gəlir, izlənmə sayı isə kifayət qədər deyil. Çəkilən son bölüm yayınlandıqdan sonra, serialın göstərilməsi dayandırılacaq”- deyə kanalın məsul şəxsləri bildiriblər.