Xəbərlər

Azərbaycan Qolf Federasiyası ölkədə qolfun təbliğatı üçün İşçi qrupları yaradıb.

Federasiyadan ERtv.Az-a verilən məlumata görə, insanların qolf idman növünə cəlb olunması, onlarda qolfa marağı artırmaq məqsədilə federasiya daxilində yaradılan İşçi qrupları (AGF Workshops) cəmiyyətin müxtəlif təbəqələri üçün, müxtəlif yerlərdə təqdimatlar, pulsuz seminarlar və treninqlər keçirir.

Məlumatda bildirilir ki, bu il yaradılan Azərbaycan Qolf  Federasiyası yarandığı gündən ölkə qolfun inkişafı, qolf meydançalarının tikilməsi, akademiyaların yaradılması kimi qarşısına mühüm tapşırıqlar qoyub.

“Artıq regionlarda qolf meydançaları tikilir, paytaxtda akademiyalar yaradılır. Bu siyasətin davamı kimi, federasiya daxilində İşçi qrupları yaradılıb, hansılarkı müxtəlif yaş qrupları üçün təqdimatlar və treninqlər keçirir. Bu yöndə qruplar məktəbləri, ali təhsil ocaqlarını və digər yerləri ziyarət edir, qolf və AQF-nin fəaliyyəti haqqında məlumatlandırırlar” – deyə, federasiyanın baş direktoru Dominik Nouton bildirib.

Eyni zamanda İşçi qrupları müəllimlərə qolf müəllimi akkreditasiyasını almaq üçün seminarlar və treninqlər keçirəcək.