Xəbərlər

BP şirkəti tərəfdaşları ilə birgə Azərbaycanın neft-qaz sektorundakı layihələrə 40 milyard dollar sərmayə yatırıb.

ERtv.Az xəbər verir ki, bu barədə “BP-Azerbaijan” şirkətinin xarici əlaqələr departamentinin başçısı Tamam Bayatlı  məlumat verib.

“Bu investisiyalar “Azəri-Çıraq-Günəşli” yataqlar blokuna, “Şahdəniz” yatağına və Bakı-Tbilisi-Ceyhan, “Cənubi Qafqaz” qaz kəməri layihələrinin tikintisinə sərf olunub”.

T.Bayatlı qeyd edib ki, “ Azəri-Çıraq-Günəşli” yataqlar blokundan 2,1 milyard barel neft əldə edilib.

“BP şirkəti uzun illərdir Azərbaycanda işləyir. Biz burada üzərimizə bir sıra öhdəliklər götürmüşük. Uzun illər Azərbaycan dövləti, Dövlət Neft Şirkəti ilə bu layihələr çərçivəsində üzərimizə götürdüyümüz öhdəlikləri yerinə yetirmək niyyətindəyik”.