Xəbərlər

Balakənli fermerlər bu il fındıq bağlarından ötən illə müqayisədə 240 ton artıq məhsul əldə edib.

ERtv.Az-ın bölgə müxbirinə Rayon İcra Hakimiyyətinin aqrar məsələlər şöbəsindən verilən məlumata əsasən, bu il fındıq bağlarında bol məhsul yetişib.

Havaların qeyri-sabit keçməsinə baxmayaraq, fermerlər fındığın sahələrdən yığılmasında fəallıq göstərib.

Belə ki, bu il fındıq bağlarından 3 min 800 ton, yəni keçən ildəkindən 240 ton artıq məhsul götürülüb.

Hazırda bazarlarda fındığın 1 kiloqramı 1 manat 20 qəpiklə 1 manat 40 qəpik arasında dəyişir.