Xəbərlər

“Economist” jurnalının versiyasına görə, Azərbaycan MDB ölkələri siyahısında “doğulmaq üçün ən yaxşı ölkə” reytinqi üzrə birinci yerdədir.

ERtv.Az-ın verdiyi xəbərə görə, Azərbaycan siyasi, iqtisadi və sosial amillərin 2013-cü ildə dünyaya gələcək yeni nəsil üçün ən əlverişli olduğu ölkələrin siyahısındadır.

“Harada doğulmaq daha yaxşıdır- 2013” reytinq siyahısı Britaniyanın “Economist” jurnalının analitik təhlil qurumu olan “The Economist Intelligence Unit” (EUİ) tədqiqat şirkəti tərəfindən tərtib edilib. EUİ qiymətləndirməsinə görə 5,60 bal toplayaraq, Azərbaycan 80 ölkədən ibarət siyahıda 70-ci yeri tutub.

Beləliklə, Azərbaycan MDB ölkələri arasında gələn il doğulacaq gənc nəsil üçün daha əlverişli ölkə sayılır. MDB-nin siyahıya düşən digər ölkələrindən siyahıda Rusiya (72-ci yer), Qazaxıstan (74-cü yer) və Ukraynanın (78-ci yer) adı var.

Qeyd edək ki, Azərbaycanın Qafqazdakı qonşuları olan Gürcüstan və Ermənistanın adı siyahıda yoxdur.