Xəbərlər

Türkiyə prezidenti Abdulla Gül Çankaya sarayında Avrasiya İslam Şurasının 8-ci toplantısının iştirakçılarını qəbul edib.

ERtv.Az-ın verdiyi xəbərə görə, görüşdə din xadimləri, toplantı iştirakçıları, eləcə də, Azərbaycan Respublikası Dini Qurumlarla İş üzrə Dövlət Komitəsinin sədri Elşad İskəndərov iştirak edib.

Abdulla Gül Avrasiya məkanında sülhün və stabilliyin qorunmasında din xadimlərinin rolunu yüksək qiymətləndirib və Şuraya işlərində uğurlar arzulayıb. Öz növbəsində dini məsələlər üzrə nazir Mehmet Görməz ölkə başçısını Şurada gedən müzakirələr barədə məlumatlandırıb.

Abdulla Gül islam dünyasında əlaqələrin güclənməsi üçün bu kimi tədbirlərin vacib olduğunu qeyd edib.