Xəbərlər

Prezident İlham Əliyev Latviyanın dövlət başçısı Andris Berzinşə Latviya Respublikasının elan edilməsi günü münasibətilə təbrik məktubu göndərib.

ERtv.Az xəbər verir ki, məktubda deyilir:

"Sizi və bütün xalqınızı Milli bayramınız - Latviya Respublikasının elan edilməsi günü münasibətilə öz adımdan və Azərbaycan xalqı adından ürəkdən təbrik edirəm. Əminəm ki, Azərbaycan-Latviya dövlətlərarası münasibətlərinin möhkəmləndirilməsi, dostluq və əməkdaşlıq ənənələrimizin qorunub saxlanması və inkişaf etdirilməsi, ikitərəfli əlaqələrimizin daha da genişləndirilməsi istiqamətində səylərimizi bundan sonra da ardıcıl şəkildə davam etdirəcəyik.", məktubda bildirilir.

Prezident bu əlamətdar gündə latviyalı həmkarına möhkəm cansağlığı, işlərində uğurlar, dost Latviya xalqına sülh və rifah dilədiyini ifadə edib.