Xəbərlər

Bakı Fond Birjasının İdarə Heyətinin sədri Emin Əliyev 17-21 noyabr tarixlərində Londonda keçiriləcək London İnvestorlar Konfransında (2012 London Investor Conference) iştirak edəcək.

ERtv.Az-ın Bakı Fond Birjasına istinadən verdiyi xəbərə görə, Londona “Carlyle Group” investisiya şirkətinin dəvəti ilə gedən E.Əliyev səfəri ərzində şirkətin top menecmenti ilə görüşlər keçirəcək, şirkətin qlobal investisiya və aktivlərin idarə edilməsi sahəsindəki qabaqcıl təcrübəsi ilə tanış olacaq.

Bununla yanaşı, o “Carlyle Group”un yeni investisiya fondları ilə, onların kompozisiyası və idarəolunma mexanizmləri ilə də tanış olacaq.  

Qeyd edək ki, “Carlyle Group” 1987-ci ildə ABŞ-da yaradılıb və hazırda dünya üzrə 32 regional ofisə malikdir. 1400-ə qədər qlobal investor bazası olan şirkətin ümumi idarəetməsi altında olan vəsaitin həcmi 160 mlrd. dollara yaxındır. “Carlyle Group” fondların idarə olunması sahəsində zəngin təcrübəyə malikdir. “Carlyle Group”un fondları dünya investisiya fondları arasında gəlirliliyinə görə yüksək gəlirli və aşağı riskli fondlar hesab olunur.