Xəbərlər

Ukraynanın FEMEN qadın hərəkatının fəalları bazar günü Parisdə ənənəvi nikahların müdafiəsinə həsr olunan nümayişlərə qatılıblar, nümayiş tərəfdarları onları döyüblər.

ERtv.Az-ın Lenta.Ru-ya istinadən verdiyi xəbərə görə, məlumatı Associated Press agentliyi yayıb.

Sinəsi açıq, bəzisi isə rahibə paltarı geyən 10-a yaxın qız eynicinsli nikahların qanuniləşdirilməsinin əleyhinə çıxan etirazçıların nümayişində peyda olublar və “Biz geylərə inanırıq” (“İn God we trust” şüarına analoji olaraq, “İn gay we trust” ) şüarları səsləndiriblər. Ukraynalı qızlar bundan sonra nümayişçilərin üzərinə ağ toz səpiblər.

Yarıçılpaq qızların aksiyasını görən bəzi katolik fəallar onların üzərinə hücum edərək qızları yerə səriblər. İlkin məlumata əsasən, insident nəticəsində ağır xəsarət alan olmayıb. Polis ukraynalı qızların təhlükəsizliyini qorumaq üçün onları avtobusda gizlətməli olub. Bu barədə məlumatı Frans-Press agentliyinə hadisənin şahidi olan fransız feministlərindən biri bildirib.  

Qeyd edək ki, eynicinsli nikahları pisləyən nümayişi “Civitas” mühafizəkar katolik təşkilatı keçirib. Aksiyada minlərlə insan iştirak edib.