Xəbərlər

Belfastda Şimali İrlandiya ilə heç-heçə oynayan (1:1) Azərbaycan milli komandası tarixində dördüncü dəfə səfər oyununda uduzmamağı bacarıb.

ERtv.Az-ın verdiyi xəbərə görə, 12 fevral 2003-cü ildə Podqoritsada Azərbaycan Serbiya və Çernoqoriya ilə də heç-heçə edib (2:2). İkinci analoji uğuru 4 il gözləməli olmuşuq.

Şahin Diniyevin rəhbərlik etdiyi komanda Qazaxıstanla heç-heçə oynayıb (1:1).

İlk qələbə isə 10 oktyabr 2009-cu ildə Lixtenşteyndə qazanılıb (2:0). Dünən dünya və Avropa çempionatlarının seçmə mərhələlərində 18 illik iştirakında Azərbaycan dördüncü dəfədir ki, uduzmayıb.

Ancaq şimali irlandiyalılarla oyunun gedişatı onu göstərirdi ki, futbolçularımız öz hesabına növbəti səfər qələbəsini yaza bilər.