Xəbərlər

ABŞ prezidenti Barak Obama demokrat senator Con Kerriyə müdafiə naziri vəzifəsini tapşırmağı nəzərdən keçirir.

ERtv.Az-ın “Washington Post” qəzetinə istinadən verdiyi xəbərə görə, bu barədə məlumatı Ağ evdəki mənbə verib.

Bir müddət əvvəl yayılan məlumata görə, Senatın beynəlxalq komitəsinin rəhbəri Con Kerriyə ABŞ-ın dövlət katibi vəzifəsi təklif edilməli imiş, lakin hal-hazırda “Washington Post”-un yaydığı xəbərə görə, bu vəzifəni ABŞ-ın BMT-dəki səfiri Syuzan Rays da tuta bilər.

“RİA Novosti”nin verdiyi xəbərə görə isə, Obamanın milli təhlükəsizlik məsələləri üzrə məsləhətçisi Con Brennan Mərkəzi Kəşfiyyat İdarəsinin (MKİ) yeni rəhbəri olacaq. Hal-hazırda MKİ-də direktor vəzifəsini icra edən Maykl Morell isə prezidentin milli təhlükəsizlik məsələləri üzrə məsləhətçisi olacaq.