Xəbərlər

Bakı-Böyük Kəsik istiqamətində növbəti yol qoyuluşuna start verilib.

ERtv.Az-ın “Azərbaycan Dəmir Yolları”na istinadən verdiyi xəbərə görə, növbəti yol qoyuluşu 12-15 noyabrda həyata keçiriləcək. Ləki stansiyasında 2 km yol əsaslı təmir olunacaq. Bildirək ki, bu günə kimi 145,4 km yol əsaslı təmir olunub.

Qeyd edək ki, Dövlət Proqramı çərçivəsində Bakı-Böyük Kəsik istiqamətində 317 km yolun əsaslı təmirinə 10 iyun 2011-ci ildə Tatlı-Ağstafa sahəsinin 97-ci kilometrində start verilib. Əsaslı təmir işlərini “Azərbaycan Dəmir Yolları” “Dəmiryolservis”in müəssisələri və İnfrastruktur Departamentinin müvafiq qurumları həyata keçirir.

İnfrastruktur Departamenti tərəfindən Bakı-Böyük Kəsik-Bakı istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiyanın “İxrac” Bankının nəzarət qrupu müşahidə edir.