Xəbərlər

Noyabrın 12-dən 16-dək IDEA Kampaniyası (Ətraf mühitin mühafizəsi üzrə Beynəlxalq Dialoq) BMT-nin Ətraf Mühit Proqramı ilə birgə Azərbaycanda “Green week” (“Yaşıl həftə”) layihəsinin həyata keçirilməsinə başlayır.

ERtv.Az-ın IDEA-nın mətbuat xidmətinə istinadən verdiyi xəbərə görə, tədbirdə yerli qonaqlarla yanaşı, həmçinin gənc liderlər və bir sıra beynəlxalq təşkilatların nümayəndələri, eləcə də hökumət və qeyri-hökumət qurumlarının təmsilçiləri iştirak edəcəklər.

Sözügedən layihə çərçivəsində noyabrın 12-də Azərbaycan Diplomatiya Akademiyasında Beynəlxalq Gənclər Forumunun keçirilməsi planlaşdırılır. Noyabrın 13-də Avropanın başlıca qruplarının və səhmdarlarının məşvərət görüşünün keçirilməsi nəzərdə tutulur ki, bu görüşdə də Azərbaycanın qeyri-hökumət təşkilatları iştirak edəcəklər.

Noyabrın 14-də Zığ şosesində ağacların əkilməsi aksiyasının təşkili, eləcə də ətraf mühit məsələlərinə dair diplomatik tədris proqramının həyata keçirilməsi nəzərdə tutulub.