Xəbərlər

Bir müddət əvvəl Karib hövzəsi ölkələrində tüğyan edən “Sendi” qasırğası çərşənbə axşamı ABŞ-ın şərq ştatlarına çatıb.

ERtv.Az RİA Novosti-yə istinadən xəbər verir ki, təbii fəlakət daha çox Amerikanın Nyu-Cersi və Nyu-York ştatlarında özünü göstərib.

Son məlumatlara görə, qasırğa nəticəsində 72 nəfər həlak olub.

Kolumbiya paytaxt dairəsində dağıntılar olmasa da, qasırğa çoxsaylı elektrik xətlərini qırıb və 400 min nəfəri işıqsız qoyub. Ümumilikdə ABŞ-ın şərq sahillərində qasırğa 8 milyondan çox insanı elektrik təchizatından məhrum edib.

IHS Global Insight konsaltinq şirkətinin qiymətləndirmələrinə görə, qasırğanın vurduğu maddi zərərin məbləği 20 milyard dollara çata bilər, bununla yanaşı, iqtisadi zərər 10 milyarddan 30 milyard dollaradək qiymətləndirilir.