Xəbərlər

Avropa İttifaqı 2023-cü ilədək Türkiyəyə daimi üzv statusu verməsə onu öz tərəfdaşı kimi itirəcək.

ERtv.Az RBK-ya istinadən xəbər verir ki, bu bəyanatla Almaniyanın kansleri Angela Merkel ilə görüşdə Türkiyənin Baş naziri Rəcəb Tayyib Ərdoğan çıxış edib.

Türkiyənin hökumət başçısının bəyanatı ölkəsinin dəqiq nə zamana qədər cavab gözləyəcəyinə dair ilk çıxış oldu.

Öz növbəsində A.Merkel qeyd edib ki, Türkiyə ədalətli və açıq şəkildə danışıqlarda iştirak edir, lakin tərəflər arasında hələ ki, öz həllini tapmayan məsələlər var.

Qeyd edək ki, 2005-ci ildə başlanan danışıqların dondurulmasına əsas səbəb Ankaranın Şimali Kipr Türk Cumhuriyyətinin müstəqilliyini tanıması oldu. Halbuki Aİ-nin hazırki üzvlərindən biri olan Kipr Respublikası onun mövcud olması ilə qətiyyən razı deyil. Nikosiyanın mövqeyinə görə, şimal əraziləri hələ də işğal altındadır.

Türkiyənin Avropa İttifaqına daxil olmaq niyyətində olmasına baxmayaraq o hər bir namizəd üçün mühüm olan 35 müddəadan birini yerinə yetirib.