Xəbərlər

Bu ilin yanvar-sentyabr ayları ərzində Dövlət Neft Fondunun investisiya portfeli 33,068 milyard dollar təşkil edib.

ERtv.Az xəbər verir ki, bu barədə Fondun doqquz aylıq hesabatında qeyd olunub.

Hesabat dövründə investisiya portfelinin 16 milyard 903 milyonu (51,12%) ABŞ dollarında, 10 milyard 187 milyonu (39,84%) Avroda, 1 milyard 048 milyonu (5,16%) İngilis funt sterliqində, 815 milyonu (1,38%) Türkiyə lirəsində, 201 milyonu (0,64%) Avstraliya dollarında saxlanılır.

Fondun aldığı qızılın ümumi həcmi 617,51 milyon dollar təşkil edir ki, bu da ümumi portfelin 1,87%-nə bərabərdir. Fond 10,89 ton və ya 350,146 troy unsiyası qızıl alıb.

Coğrafi regionlar üzrə Fondun investisiya portefelinin bölgüsünə gəlincə isə, 57,75%-i Avropa, 14,03%-i Şimali Amerika, 13,83%-i İnkişaf etməkdə olan ölkələr, 7,09%-i Asiya və Sakit okean ölkələri, 6,59%-i Beynəlxalq maliyyə təşkilatları, 0,71%-i Yaxın Şərq ölkələri üzrə bölünüb.