Xəbərlər

Gürcüstan paytaxtı Tbilisidə 23 yaşadək idmançılar arasında Avropa kuboku yarışları keçirilib.

ERtv.Az xəbər verir ki, yarışda Azərbaycan idmançısı Sevil Bunyatova həm kubok, həm də qızıl medal, Aidə Ələsgərova bürünc medal qazanıb.

Qızlarımız 44-45 hesabı ilə Ukrayna komandasına uduzaraq gümüş medal qazanıblar.

Qeyd edək ki, bu idmançıların hamısı “Neftçi İdman və Sağlamlıq Mərkəzi”nin üzvləridir.

Həmçinin idmançılarımız Türkiyənin Bursa şəhərində rapira və şpaqa üzrə III beynəlxalq turnirdə iştirak edib. On ölkənin təmsil olunduğu yarışda komanda hesabında rapiraçı qızlarımız I, şpaqaçı qızlarımız II, şpaqaçı kişilər isə III yerə layiq görülüblər.

Şəxsi yarışlarda şpaqada beynəlxalq dərəcəli idmançımız Nelyubova Yuliya bürünc medal qazanıb.