Xəbərlər

Azərbaycanın boks üzrə gənclərdən ibarət milli komandası Kaldı-Kurqan şəhərində keçiriləcək beynəlxalq turnirdə iştirak etmək üçün Qazaxıstana yola düşüb.

ERtv.Az Azərbaycan Boks Federasiyasına istinadən xəbər verir ki, baş məşqçi Şamil Alimzanov və məşqçi Vidadi Tağıyevin rəhbərliyi altında səfərə 13 boksçumuz yollanıb.

Onlardan ikisi – Rauf Rəhimov və Pərviz Bağırov ötən il gənclər arasında Avropa Çempionatının qızıl medalını qazanıb. Ceyhun İbrahimli, Rahil Məmmədli, Tural Əhmədov, Kamran Məlikov, Nəsrəddin Məmmədov, Saqi Salehli, Orxan Mayıllı, Sadiq Səmədov, Rüstəm Musayev, Fərid İsmayılov və Nəbi Bağırov da heyətə daxil ediliblər. Yarışda ölkəmizi hakim kimi Anar Babanlı təmsil edəcək.

Qeyd edək ki, gənclər arasında dünya birinciliyi noyabrın 25-dən dekabrın 8-ə kimi Ermənistanın paytaxtı İrəvanda keçiriləcək. Ancaq Azərbaycan milli komandasının bu yarışda iştirak edib-etməyəcəyi hələ ki bəlli deyil.